Azərbaycanlı qadın Tatarıstanda nazir təyin olundu
Tatarıstan prezidenti Rüstəm Minnixanov Arxiv İşləri üzrə Dövlət Komitəsinin rəhbəri İradə Əyyubovanı mədəniyyət naziri təyin edib.
“Qafqazinfo” “Tatar-İnform” saytına istinadən xəbər verir ki, bununla bağlı prezidentin sərəncamı bu gün imzalanıb:
“İradə Əyyubova tutduğu vəzifədən vaxtından əvvəl azad edilərək Tatarıstan Respublikasının mədəniyyat naziri təyin olunsun”.
Keçmiş nazir Ayrat Sibaqatullin isə təqaüdə çıxıb. O, 2011-ci ildən nazirliyə rəhbərlik edib.
Qeyd edək ki, İradə Əyyubova Azərbaycanda anadan olub. 2005-2006-cı illərdə Tatarıstanın mədəniyyət nazirinin müavini, 2011-2015-ci illərdə nazirin birinci müavini, 2016-cı ildən isə Arxiv işləri üzrə Dövlət Komitəsinin rəhbəri vəzifələrində çalışıb.
Nuranə
