Baş nazirə sui-qəsd hazırlayan snayper saxlanılıb
Kataloniyanın hüquq-mühafizə orqanları İspaniya hökumətinin sədri Pedro Sançesə sui-qəsd planlaşdıran kişini saxlayıblar.
“Qafqazinfo” xarici KİV-ə istinadən xəbər verir ki, saxlanılan 63 yaşlı kişi mühafizəçi işləyib və silah üçün lisenziyası olub.
İspaniya mətbuatının məlumatına görə, sui-qəsdin səbəbi hökumətin diktator Fransisko Frankonun qalıqlarını ekskumasiya etmək istəməsi olub.
Saxlanılan şəxsin evində aparılan axtarış zamanı 16 ədəd silah, o cümlədən avtomat və snayper tüfəngi tapılıb.
