Binədə işıq niyə yanmır?
Binə qəsəbəsində 14 saatdır ki, işıq yoxdur. Bu barədə “Qafqazinfo”ya qəsəbə sakinləri məlumat verib. Onlar bildiriblər ki, elektrik enerjisi dünən 21:00 radələrində kəsilib və hələ də bərpa edilməyib.
“Qafqazinfo” məsələylə bağlı “Azərişıq” ASC-nin mətbuat xidmətinin rəhbəri Tanrıverdi Mustafayevlə əlaqə saxlayıb. O bildirib ki, ərazidə elektrikin verilməsi səhər saatlarından dayandırılıb və görülən işlərlə əlaqədardır:
“14 saat deyil. Səhər saat 06.48-dən etibarən yay mövsümündən qış mövsümünə keçidlə əlaqədar yarımstansiyada təftiş işi aparılır. Əhali bu barədə məlumatlandırılıb. Elektrik enerjisinin verilişi qısa müddət ərzində bərpa ediləcək”.
Günel Hacı
