Bu barədə AzadlıqRadiosuna Nəsimi Rayon Prokurorluğundan məlumat verilib.
Cinayət Məcəlləsinin 120.1-ci maddəsi - qəsdən adam öldürmə, yəni digər şəxsi qəsdən həyatdan məhrum etmə maddəsi ilə istintaq aparılır.
***
Rafiq Tağı əl hərəkətləriylə həkim və jurnalistlərə hadisənin necə baş verdiyini anlatmağa çalışıb. O əl işarələriylə bildirib ki, ona bir nəfər bıçaqla 6 zərbə vurub.
RAFİQ TAĞININ REANİMASİYADAN VİDEOGÖRÜNTÜLƏRİ
***
Rafiq Tağının həyat yoldaşı və oğlu yazıçının bıçaqlanmasıyla bağlı polisə ifadə verirlər. Bu barədə AzadlıqRadiosuna yazıçının evindən məlumat veriblər.
***
Rafiq Tağının qardaşı AzadlıqRadiosunun müxbirinə deyib ki, əməliyyatdan sonra yazıçının vəziyyəti nisbətən yaxşılaşıb. O həkimlərdən xəstəxanadan nə vaxt çıxarılacağını soruşub.
Yaxınlarının dediyinə görə, hələ ki onları Rafiq Tağıyla görüşə buraxmırlar.