Gənc məhbuslar son söz dedilər
Əhəd Məmmədlinin vəkili Yalçın İmanov “Media forum” saytına açıqlamasında deyib ki, təqsirləndirilənlər özlərini günahkar bilmədiklərini vurğulayıblar, demokratiya uğrunda mübarizəni davam etdirəcəklərini bildiriblər. Əhəd Məmmədli Müsavat Partiyasının 100 illik yubileyinin qeyd olunduğunu xatırladaraq deyib: “Müsavatın mübarizəsi 100 ildir davam edir. 100 il əvvəl də müsavatçılar öz mübarizələrinə görə təqiblərə, təzyiqlərə məruz qalır, həbs edilirdilər, bu gün də belədir. Mən Müsavatın 100 yaşında mübarizəni davam etdirdiyimə görə şərəf duyuram”.
“Media forum” saytının məlumatına görə, hökm oktyabrın 10-da elan olunacaq. Dövlət ittihamçısı Ülvi Quliyevə 4 il 6 ay, Əhəd Məmmədliyə 4 il 6 ay, Rüfət Hacıbəyliyə 2 il 6 ay, Elnur Məcidliyə 2 il 6 ay müddətinə azadlıqdan məhrumetmə cəzası çıxarılmasını istəyib.
