Ukrayna Müdafiə Nazirliyinin yüksək vəzifəli zabitinin avtomobili partladılıb.
“Qafqazinfo” “UNİAN”a istinadən xəbər verir ki, bu barədə Ukrayna Daxili İşlər Nazirliyi kommunikasiya idarəsinin direktoru Artyom Şevçenko bildirib.
İnsident səhər saat 09:15-də Kiyevin Solomensk rayonu ərazisində qeydə alınıb. “Mercedes” markalı avtomobildə baş verən partlayış nəticəsində sürücü ölüb. Onun Müdafiə Nazirliyinin Baş Kəşfiyyat İdarəsinin xüsusi təyinatlılarının komandiri, 1978-ci il təvəllüdlü Maksim Şapoval olduğu açıqlanıb.
Hadisə terror aktı kimi qiymətləndirilib.