“Jiquli” velosipedçini vuraraq aşdı - 6 yaralı var
Bu gün axşam saatlarında Xudat-Nabran yolunda yol-nəqliyyat hadisəsi qeydə alınıb.
“Qafqazinfo” APA-ya istinadən xəbər verir ki, “VAZ 2107” markalı maşın yoldan keçən velosipedçini vurub. Daha sonra idarəetməni itirən avtomobil yoldan çıxaraq aşıb.
Qəza nəticəsində 6 nəfər xəsarət alıb.
Xəsarət alan şəxslər Xaçmaz Mərkəzi Rayon Xəstəxanasına yerləşdirilib.
Faktla bağlı araşdırma aparılır.
