Argentinalı futbolçu Dieqo Maradonanın 1986-cı il dünya çempionatının ən yaxşı oyunçusu kimi aldığı “Qızıl top” hərraca çıxarılacaq.
“Qafqazinfo” xəbər verir ki, bu barədə “Aguttes” hərrac evi məlumat yayıb.
Bildirilib ki, hərrac iyunun 6-da Fransada keçiriləcək.
Maradonanın “Qızıl topu”nun bir neçə milyon dollar dəyərində olacağı gözlənilir.
Qeyd edək ki, Maradona 25 noyabr 2020-ci ildə 60 yaşında vəfat edib.