NASA Xəzər dənizində baş verən anomal prosesin görüntüsünü yayıb - Foto
NASA Xəzər dənizində baş verən “süd qasırğası” adlanan anomal prosesinin görüntüsünü İnstaqram sosial şəbəkəsində paylaşıb.
“Qafqazinfo” Rusiya mətbuatına istinadən xəbər verir ki, sözügedən görüntü yanvarın 9-da "Terra" peyki vasitəsilə çəkilib.
Məlumata əsasən, Xəzər dənizinin Türkmənistan sahillərində qeydə alınıb. Anomal proses zamanı külək dənizin səthində suyu qarışdırır və suyun dibindəki çöküntüləri üzə çıxır. Nəticədə dənizin bir hissəsində süd rəngli çalar əmələ gəlir.
Anomal hadisə balıqçılığa mənfi təsir göstərə bilər. Bu səbəbdən alimlər araşdırma aparmaq niyyətindədirlər.
