Oqtay Əsədov gürcü həmkarı ilə sərhəd məsələsindən danışıb

Oqtay Əsədov gürcü həmkarı ilə sərhəd məsələsindən danışıb
Oxunma sayı: 390

Spiker Oqtay Əsədov Gürcüstan Parlamentinin sədri İrakli Kobaxidze ilə görüşdə Keşikçidağ məsələsindən danışıb.

“Qafqazinfo” xəbər verir ki, spiker O. Əsədov deyib ki, Azərbaycan və Gürcüstan strateji tərəfdaşdırlar: “Heç kəs bu iki xalqın arasına girə bilməz. Yaranan problemlər strateji tərəfdaşlıq ruhunda həllini tapacaq. Hər iki ölkənin iştirakı ilə komissiya yaradılıb. Bu komissiyanın ikinci iclası iyunun sonunda Tbilisidə keçiriləcək. Əminik ki, bu komissiya bu məsələlərin lazımi səviyyədə həllini tapması üçün əlindən gələni edəcək. Əminliklə qeyd edirəm ki, heç kəs Azərbaycan və Gürcüstan xalqlarının dostluğunu poza bilməz”.

Gürcüstan parlamentinin sədri İ. Kobaxidze isə çıxışında qeyd edib ki, sərhədin delimitasiya və demarkasiya məsələsi qaydalar çərçivəsində həll edilməlidir:

“Sözsüz ki, mövqeyimiz birdir. Komissiya yaradılıb, məsələ komissiyanın formatı çərçivəsində həll edilməlidir. Müəyyən qüvvələr var ki, onlar bizim əlaqələrimizə xələl gətirmək istəyirlər. Onların bu cəhdləri uğurla bitməyəcək. Biz buna imkan verməyəcəyik. Komissiya bu məsələnin üçdə iki hissəsini razılaşdırıb, digər hissəsini də dostluq prinsipləri əsasında həll ediləcək. Bizim əlaqələrimiz dostluğa, qarşılıqlı hörmətə əsaslanır. Məqsədimiz əlaqələrimizi daha da inkişaf etdirməkdir. Xalq arasında əlaqələrin inkişafına böyük əhəmiyyət veririk”.

Günel Türksoy


Daha tez məlumatlanmaq üçün yeni Facebook səhifəmizi