Putin və Merkel tərəfləri sülhə çağırdı
Rusiya prezidenti Vladimir Putin Almaniya kansleri Angela Merkellə telefon görüşməsi edib.
“Qafqazinfo” xarici KİV-ə istinadən xəbər verir ki, iki liderin əsas müzakirə mövzusu Suriya olub.
Putin bildirib ki, Qərb dövlətlərinin Suriyaya qarşı həyata keçirdiyi hücum beynəlxalq hüquq normalarını və BMT qətnamələrini pozur. O, bu hücumun Suriya böhranının sülh şəraitində həlli prosesinə zərər vurduğunu deyib.
Hər iki lider Suriyada tərəflərin diplomatik danışıqlara yenidən başlaması üçün yardım etməyə hazır olduqlarını dilə gətirib.
