“Qarabağ”ın futbolçusu Bolqarıstan millisinə dəvət aldı
“Qarabağ”ın futbolçusu Simeon Slavçev Bolqarıstan milli komandasına dəvət alıb.
“Qafqazinfo” xəbər verir ki, Slavçev UEFA Millətlər Liqasında Sloveniya və Norveçlə görüşlər üçün çağırılıb.
Bolqarıstan sentyabrın 6-ı səfərdə Sloveniya ilə qarşılaşacaq, sentyabrın 9-u isə Norveçi qəbul edəcək.
Qeyd edək ki, 24 yaşlı yarımmüdafiəçi 2013-cü ildən Bolqarıstanın əsas millisinə dəvət alır.
