Xalq artisti deputat olmaq istəyir
Xalq artisti Faiq Ağayev millət vəkili olmaq istəyir. “Qafqazinfo” xəbər verir ki, bu barədə ARB-də yayımlanan “Kim var, kim yox” proqramında məlumat verilib.
Aparıcı Lalə Əlimuxtarova müğənni deputat olmaq istəyi ilə bağlı sual ünvanlayıb. Ağayev isə mövzuya belə şərh verib: “Milli Məclisdə təmsil olunmaq bu saatın arzusu deyil. Bir az zaman keçməlidir. Amma mənə etimad göstərilsə, dəyərli azərbaycanlılar mənə dəstək versə, təbii ki, daxilimdə bir potensial görürəm. Özündən razılıq kimi çıxmasın. Zamanında, vaxtında niyə də olmasın? Seçkilər gələn ildir. Qismət”.
