“Aşura günü” ilə əlaqədar qanvermə aksiyaları keçirilir
“Aşura günü” ilə əlaqədar könüllü olaraq qanvermə aksiyaları keçirilir.
“Qafqazinfo” xəbər verir ki, aksiyalar “Aşura günü” qana ehtiyacı olan xəstələrə yardım məqsədi ilə təşkil edilib.
Səhər 09:00-dan başlayan qanvermə aksiyaları respublikanın 27 şəhər və rayonu üzrə 35 müxtəlif ünvanlarda keçirilir.
Səhiyyə Nazirliyinin saat 12:00-a olan məlumatına əsasən, Bakı şəhəri üzrə 815, respublikanın digər şəhər və rayonları üzrə isə 542 nəfər könüllü olaraq qan verib. Bu şəxslərdən ümumilikdə 611 litr qan tədarük olunub.
