BMU aliminin elmi məqaləsi İsveçrədə dərc olunub

BMU aliminin elmi məqaləsi İsveçrədə dərc olunub
Oxunma sayı: 1243

Bakı Mühəndislik Universitetinin (BMU) Dünya iqtisadiyyatı kafedrasının müdiri, i.ü.f.d., dosent Şəhriyar Muxtarovun həmmüəllifi olduğu elmi məqalə İsveçrənin “Energies” jurnalında dərc olunub.

“Qafqazinfo”nun məlumatına görə, Web of Science və Scopus kimi nüfuzlu məlumat bazalarında indekslənən və impakt faktoru 2.7 olan jurnalda nəşr olunan məqalədə (“Elasticity Analysis of Fossil Energy Sources for Sustainable Economies: A Case of Gasoline Consumption in Turkey”) Türkiyə iqtisadiyyatı nümunəsində müxtəlif ekonometrik metodlar istifadə edilərək benzin tələbi təhlil olunub. Məqalənin nəticələrinə görə, dəyişənlər arasında uzunmüddətli kointeqrasiya əlaqəsinin mövcudluğu, eləcə də gəlir və qiymətin benzin istehlakını müəyyən edən ən əsas faktorlar olduğu aşkar edilib. Bundan əlavə, müəlliflər uzunmüddətli dövrdə gəlir və tələbin qiymət elastikliyini müəyyən ediblər. Məqalədə tədqiqat nəticələri əsasında iqtisadi siyasət üzrə qərarvericilər üçün bir sıra təkliflər də irəli sürülüb.

Məqalənin tam mətnini https://www.mdpi.com/1996-1073/13/3/731 linki vasitəsilə oxumaq mümkündür.

Qeyd edək ki, son illərdə BMU əməkdaşlarının nüfuzlu elmi jurnallarda dərc olunan məqalələrinin sayı əhəmiyyətli dərəcədə artıb və universitet bu  göstəricilərə görə Azərbaycanın ali təhsil ocaqları arasında öncül mövqedə qərarlaşıb.



Daha tez məlumatlanmaq üçün yeni Facebook səhifəmizi