ABŞ Federal Ehtiyat Sistemi (FED) uçot faiz dərəcəsini gözlənildiyi kimi dəyişməyərək son 23 ilin ən yüksək səviyyəsi olan 5,25 - 5,50 faiz aralığında saxlayıb.
“Qafqazinfo” xəbər verir ki, müvafiq məlumat tənzimləyicinin saytında dərc edilib.
“Komitə (Federal Açıq Bazar Komitəsi, FOMC - Red.) federal fondların faiz dərəcəsi üçün hədəf diapazonunu 5,25 - 5,5% səviyyəsində saxlamağa qərar verib”, - deyə hesabatda bildirilib.
Qeyd olunur ki, FED inflyasiyanın davamlı olaraq 2%-ə doğru irəlilədiyinə əminlik yaranana qədər hədəf intervalının azaldılmasını məqsədəuyğun hesab etmir.