Gürcüstanda koronavirusa yoluxanların sayı 155-ə çatıb. “Qafqazinfo” “RİA Novosti”yə istinadən bildirir ki, bu barədə xəstəliyin monitorinqi üzrə xüsusi saytda məlumat verilib.
“Təsdiqlənmiş yoluxma halı – 155, onlardan 28-i sağalıb, 5526 nəfər karantin rejimindədir, 344 nəzarət altındadır”, - saytda yazılıb.
Virusa yoluxanların arasında uşaqlar, hamilə qadın, Milli Qvardiyanın Vətəndaş Ofisinin əməkdaşları, tibb işçiləri, Gürcüstan Milli Bankının əməkdaşları və təcili yardım həkimi var.