İki gənc qız dəm qazından zəhərləndi
Şəkidə iki gənc qız dəm qazından zəhərlənib.
"Qafqazinfo" xəbər verir ki, bu gün axşam saatlarında Qax sakini, 1997-ci il təvəllüdlü Hüseynova Aytac Qurban qızı və Şəki sakini, 2000-ci il təvəllüdlü Həsənova Fidan Ayaz qızı zəhərlənmə əlamətlərilə Şəki Rayon Mərkəzi Xəstəxanasına gətiriliblər.
Xəstəxanada müayinə zamanı onların yaşadıqları Şəki şəhər Axundov küçəsi 32 ünvanında dəm qazından zəhərləndikləri məlum olub.
A.Hüseynovun vəziyyəti yaxşı olduğu üçün yardım göstərildikdən sonra evə buraxılıb, digər xəstə F.Həsənovanın müalicəsi isə xəstəxananın reanimasiya şöbəsində aparılır.
Faktla bağlı araşdırma aparılır.
Mübariz Muradov
