İranda koronavirus səbəbindən məktəblər bağlandı

İranda koronavirus səbəbindən məktəblər bağlandı
Oxunma sayı: 3514

İranda koronavirusun yayılması səbəbindən bir sıra rayonlarda, o cümlədən Qum əyalətində məktəblər bağlanıb. “Qafqazinfo”nun “RİA Novosti”yə istinadən məlumatına görə, buna səbəb ölümcül virusun yayılmasının qarşısını almaqdır.

Qum əyalətinin hökumətinin qərarına əsasən, burada məktəb və universitetlər iki gün (bazar günü və bazar ertəsi) bağlı olacaq. Ölkənin Mərkəzi əyalətində isə təhsil müəssisələri bir həftə fəaliyyət göstərməyəcək.

“IRIB” dövlət teleradio kompaniyası Gilan əyalətində məktəblərin çərşənbə gününədək, Gülüstan əyalətində isə bazar günü və bazar ertəsi bağlı olacağı barədə xəbər verib.

İranın Mədəniyyət nazirliyi də fevralın 28-dək ölkədəki bütün mədəni proqramların təxirə salındığını açıqlayıb.

Qeyd edək ki, bu günədək İranda 28 nəfər koronavirusa yoluxub. Onlardan beşi dünyasını dəyişib.


Daha tez məlumatlanmaq üçün yeni Facebook səhifəmizi