İsrail alimlərindən mədəaltı vəzi xərçənginin müalicəsində - İrəliləyiş
Tel-Əviv Universitetinin alimləri müalicəsi çətin olan mədəaltı vəzi xərçənginin hüceyrələrini götürməyin yollarını öyrəniblər.
“Qafqazinfo” xəbər verir ki, bununla bağlı tədqiqatın nəticələri “Oncotarget” elmi jurnalında dərc olunub. Təcrübə üçün sınaqdan keçirilən siçanların 80-90%-ində şiş aradan götürülüb.
Bu sahədə inkişafa infarkt və ya güclü iltihabdan sonra sinir hüceyrələrini qorumaq üçün 10 il əvvəl hazırlanmış PJ37 molekullarından istifadə etməklə nail olunub.
Təcrübədən əvvəl siçanlara insandakı şişin hüceyrələri implantasiya olunub. Nəticələr gözlənilən olub və molekulların tətbiqindən bir ay sonra siçanlarda neoplazmalardan yalnız 10-20%-i qalıb.
Tibb fakültəsinin professoru Malka Koen – Armonun sözlərinə görə, molekullar insanda xərçəng hüceyrələrinin çoxalması prosesində onları sürətlə öldürərək anomaliyaya səbəb olur. Bu, eyni zamanda xoşxassəli hüceyrələri zədələmir.
