Oğuz rayonunun Qumlaq kəndi ərazisində yol-nəqliyyat hadisəsi baş verib.
“Qafqazinfo” xəbər verir ki, qəza yanvarın 11-də saat 11 radələrində qeydə alınıb.
Kənd sakini Y.Ramazanovun idarə etdiyi “VAZ-2106” və şəhər sakini F.Bəhərçinovun idarə etdiyi “Ford Transit” markalı avtomobillər toqquşub.
Nəticədə Y.Ramazanov və sərnişini olan həmkəndlisi Əhməd Rəhimov xəstəxanaya yerləşdirilib, Ə.Rəhimov orada ölüb.
Oğuz RPŞ tərəfindən araşdırma aparılır.