Bu gün Milli Qəhrəman Mübariz İbrahimovun ev muzeyinin açılışı olub.
“Qafqazinfo” xəbər verir ki, Milli Qəhrəmanın anadan olduğu Biləsuvar rayonunun Əliabad kəndində tikilən ev muzeyinin açılış mərasimində Milli Məclisin vitse-spikeri Fəzail İbrahimli, Biləsuvar Rayon İcra Hakimiyyətinin başçısı Faiq Qürbətov və rayon ictimaiyyətinin nümayəndələri iştirak edib.
Mübariz İbrahimovun qardaşı oğlu balaca Mübarizin 3 yaşının tamam olmasına təsadüf edən muzeyin açılışında lent qəhrəmanımızın atası Ağakərim İbrahimov tərəfindən kəsilib.
Qeyd edək ki, M.İbrahimovun ev muzeyi doğulub boya-başa çatdığı rayonun Əliabad kəndindəki ata evinin həyətində inşa olunub. Bir mərtəbədən ibarət olan muzeyin sərgi zalında Milli Qəhrəmana aid şəxsi əşyaları və eksponatlar yer alıb.
Surxay Şahbazov