Abşeronda yaşayış evində baş verən partlayışda xəsarət almış “Azəravtoyol” ASC-nin aparat rəhbəri Müşfiq Qurbanovun həyat yoldaşı Şəbruz Novruzova Türkiyədə müalicə aldığı xəstəxanada ölüb.
"Qafqazinfo" xəbər verir ki, bu barədə APA-ya mərhumun yaxınları məlumat verib.
Qeyd edək ki, Ş.Novruzova Tibb Universitetinin Cərrahi xəstəliklər kafedrasında çalışıb və abdominal cərrahiyyə üzrə ixtisaslaşıb.
Xatırladaq ki, hadisə oktyabrın 20-si Hökməli qəsəbəsində qeydə alınıb. Ailənin kiçik qızı Banuçiçək elə həmin gün dünyasını dəyişsə də, atası M. Qurbanov oktyabrın 27-də Türkiyədə vəfat etmişdi.
Qurbanovların böyük qızı 12 yaşlı Leylanın isə vəziyyətinin normal olduğu deyilir.