Özbəkistanda karantin uzadıldı
Özbəkistan hökuməti ölkədə koronavirusun yayılmasının qarşısını almaq məqsədi ilə tətbiq olunan karantin məhdudiyyətlərini avqustun 15-dək uzadıb. “Qafqazinfo” bildirir ki, bu barədə ölkənin Nazirlər Kabineti yanında Operativ Qərargahı teleqram kanalında məlumat verib.
“Özbəkistanda avqustun 1-dək tətbiq olunan karantin məhdudiyyətləri avqustun 15-dək uzadılıb”, - məlumatda deyilir.
Operativ Qərargahın məlumatına görə, vətəndaşlar üçün toy və ailə məclislərinin keçirilməsi ilə bağlı qadağalar, ictimai yerlərdə maska taxmaq və sosial məsafə saxlamaq tələbləri qüvvədə qalır.
Qeyd edək ki, Özbəkistanda 20 226 yoluxma, 112 ölüm halı qeydə alınıb, 10 831 nəfər sağalıb. Ölkədə 9 283 aktiv koronavirus xəstəsi qalmaqdadır ki, onlardan da 138-nin vəziyyəti ağır qiymətləndirilir.
Son Xəbərlər
- 1
- 2
- 3
- 4
- 5
- 6
