Özünü koronavirusa yoluxduran müğənni öldü

Özünü koronavirusa yoluxduran müğənni öldü
Oxunma sayı: 3402

Çexiyada özünü qəsdən koronavirusa yoluxduran və bəzi məhdudiyyətlərdən azad olmağa çalışan 57 yaşlı müğənni Hana Horka sosial şəbəkədə sağaldığını yazandan iki gün sonra dünyasını dəyişib.

“Qafqazinfo” xəbər verir ki, bu barədə müğənninin oğlu Jan Rek BBC-yə danışıb.

O, anasının peyvənd olunmadığını, atası və özünün COVID-19-a yoluxduğu müddətdə xəstələndiyini deyib.

Rek anasının peyvənddən imtina etdiyini, testinin pozitiv çıxmasına baxmayaraq, təcrid olunmadığını bildirib.

Xatırladaq ki, Çexiyanın məşhur musiqi qruplarından biri olan “Asonance”ın solisti Horka paylaşımında “İndi teatr, sauna, konsert olacaq” ifadələrini işlədib.

Kinoteatrlar, barlar və kafelər də daxil olmaqla, Çexiyada bir çox məkana giriş üçün peyvənd olunmaq və ya koronavirusa yoluxub sağalmaq şərti qoyulub.

Qeyd edək ki, Çexiyada son günlərdə COVID-19-a yoluxanların sayı ən yüksək həddə çatıb.