“İran çox ağır durumdadır, qonşularından üzr istəyərək söz verib”
ABŞ Prezidenti Donald Tramp İrana daha bir xəbərdarlıq edib.
“Qafqazinfo” xəbər verir ki, Tramp bu haqda “Truth Social” hesabında paylaşım edib.
“İran hazırda çox ağır vəziyyətdədir və Yaxın Şərqdəki qonşularından üzr istəyərək onlara artıq atəş açmayacağına söz verib. Bu vəd yalnız ABŞ və İsrailin fasiləsiz hücumlarından sonra verilib.
Onlar Yaxın Şərqi ələ keçirmək və ona hökmranlıq etmək istəyirdilər. Minillər ərzində ilk dəfədir ki, İran ətrafdakı Yaxın Şərq ölkələrinə uduzur.
İran artıq “Yaxın Şərqin xuliqanı” deyil. Əksinə, indi o, “Yaxın Şərqin uduzanı”dır və təslim olana yaxud tamamilə çökənə qədər belə də qalacaq.
Bu gün İran çox ağır zərbə alacaq. İranın davranışlarına görə, bu vaxta qədər hədəf kimi nəzərdə tutulmayan bəzi ərazilər və qruplar da hazırda ciddi şəkildə hədəfə alınmaq üçün nəzərdən keçirilir”, - ABŞ Prezidenti qeyd edib.
Son Xəbərlər
- 1
- 2
- 3
- 4
- 5
- 6
