Hakimin qardaşına hökm oxundu - Həbs edilmədi

Hakimin qardaşına hökm oxundu
Oxunma sayı: 4917

Bu gün Bakı Ağır Cinayətlər Məhkəməsində Ali Məhkəmənin hakimi Fərhad Kərimovun qardaşı, dələduzluqda təqsirləndirilən Mahir Kərimova hökm oxunub.

"Qafqazinfo"nun verdiyi xəbərə görə, hakim Azad Məcidovun icraatında olan prosesdə hakimlər kollegiyasının hökmü ilə M.Kərimov 5 il 6 ay müddətinə azadlıqdan məhrum edilib. Ona iki il sınaq müddəti olmaqla şərti cəza təyin edilib və buna görə də, həbs edilməyib. 

İttihama görə, M. Kərimov "Fateh-N" MMC-nin icraçı direktoru vəzifəsində çalışarkən, bir mənzili bir neçə nəfərə sataraq dələduzluq edib. M.Kərimov günahını etiraf edib və özünü təqsirli bildiyini deyib. Həbs edilməsə də, barəsində başqa yerə getməmək qərarı verilib.

M.Kərimovla bərabər İctimai Televiziyanın keçmiş rəhbəri İsmayıl Ömərovun qardaşı Ələsgər Ömərov da cinayət işinə cəlb edilib. Ə.Ömərov şirkətin təsisçisi olub. İstintaq müddətində o vəfat etdiyi üçün barəsindəki cinayət işinə xitam verilib.

Murad Əhməd


Daha tez məlumatlanmaq üçün yeni Facebook səhifəmizi