İran hökuməti ölkədə nümayişlərin başa çatdığını elan etsə də, ötən gecə paytaxt Tehran və digər şəhərlərdə rejim əleyhdarları yenidən küçələrə axışıblar.
“Qafqazinfo” xarici KİV-ə istinadən xəbər verir ki, müxaliflər ölkənin ali dini lideri Xameneinin əleyhinə şüarlar səsləndiriblər.
Bəzi şəhərlərdə polislə nümayişçilər arasında qarşıdurma yaranıb. Ölənlərin olduğu bildirilir.
Xatırladaq ki, dekabrın 28-dən davam edən nümayişlərdə azı 21 nəfər ölüb. İndiyə qədər 1000-dən çox insan saxlanılıb.
Nümayişləri dəstəkləyən ABŞ isə bu gün BMT-nin Təhlükəsizlik Şurasını təcili toplayıb.