Qaxda ölümlə nəticələnən yol-nəqliyyat hadisəsi baş verib.
“Qafqazinfo” xəbər verir ki, hadisə Qax-Zaqatala yolunun Ləkit kəndi ərazisindən keçən hissəsində qeydə alınıb.
Məlumata görə, “Daewoo” minik avtomobili ilə “Mersedes Vito” markalı sərnişin mikroavtobusu toqquşub. Nəticədə “Daewoo”nun sürücüsü, 2004-cü il təvəllüdlü Ləkit kənd sakini Cəfərov Cəfər Şamil oğlu ağır bədən xəsarətləri alıb. O, xəstəxanada keçinib.
Qəza nəticəsində daha 7 nəfər xəsarət alıb.
Faktla bağlı araşdırma aparılır.
Mübariz Muradov