Altı azərbaycanlı hərbçi işgəncələrlə öldürülüb - Rəsmi
“Erməni hərbçilər tərəfindən işgəncələrlə öldürülən və həmin görüntüləri yayılan 6 nəfər azərbaycanlının nəşi Azərbaycan tərəfinə təhvil verilib”.
“Qafqazinfo” xəbər verir ki, bunu Baş Prokurorluğun İstintaq idarəsinin rəisi Nemət Əvəzov Ermənistanın silahlı qüvvələri və qanunsuz erməni silahlı birləşmələri tərəfindən 1988-ci ildən bu günədək Azərbaycana qarşı törədilmiş cinayətlərə dair Baş Prokurorluq və Xarici İşlər Nazirliyinin birgə brifinqində sualı cavablandırarkən deyib.
O qeyd edib ki, sosial şəbəkələrdə yayılan digər görüntülərlə bağlı istintaq qrupu tərəfindən araşdırmalar davam etdirilir.
Baş prokuror Kamran Əliyev də çıxışında Ermənistan hərbçilərinin törətdiyi qeyri-insani davranışlarla bağlı görüntülərin olduğunu, lakin bu barədə qarşı tərəfin hər hansı araşdırma aparmadığını, rəsmi açıqlama vermədiyini əlavə edib.
Son Xəbərlər
- 1
- 2
- 3
- 4
- 5
- 6
