Xəbər verdiyimiz kimi, ötən gün Prezident İlham Əliyev tərəfindən imzalanmış əfv sərəncamının icrasına bu gündən başlanılıb.
“Qafqazinfo” xəbər verir ki, REAL TV-nin əməkdaşı 12 saylı cəzaçəkmə müəssisəsində olub.
Məhkum İsa İbrahimovun qohumları televiziyaya açıqlamasında ölkə Prezidentinə təşəkkür edib. Onlar əfvə düşən qohumları üçün sevindiklərini bildiriblər.
Əfv sərəncamı 1 saylı cəzaçəkmə müəssisəsində də icra olunub, 13 məhkum azadlığa buraxılıb.
Sərəncam qadın məhbusların cəza çəkdiyi müəssisədə də icra edilib. Belə ki, 11 qadın evə buraxılıb.
6 saylı cəzaçəkmə müəssisəsindən isə 40 məhkum azadlığa buraxılıb.
Keçmiş məhkum Əli Mahmudov bildirib ki, azadlığa çıxdıqdan sonra işləyib ailəsinə baxacaq: “Mən ailəmdən razıyam. İnşallah ki, heç kimin yolu bura düşməsin. Cansağlığından da gözəli azadlıqdır”.