Etirazçıları ələ salan həyat yoldaşına görə klubdan qovuldu

Etirazçıları ələ salan həyat yoldaşına görə klubdan qovuldu
Oxunma sayı: 1812

ABŞ-ın “Los Anceles Qalaksi” klubu futbolçusu Aleksandar Katai ilə yollarını ayırıb.

“Qafqazinfo” xəbər verir ki, bu barədə klubun rəsmi saytı məlumat yayıb. Məlumatda ayrılığın səbəbi açıqlanmayıb. Sadəcə, müqaviləyə qarşılıqlı razılıq əsasında xitam verildiyi diqqətə çatdırılıb.

Xarici mətbuat isə Katainin komandadan ayrılmasına həyat yoldaşı Tea Katainin səbəbkar olduğunu iddia edir. İddiaya görə, buna Teanın ölkədəki etirazlarla bağlı sosial şəbəkə hesabından etdiyi paylaşımlar səbəb olub. O, paylaşımlarında Afrika kökənli Corc Floydun polis tərəfindən öldürülməsi ilə bağlı etirazları lağa qoyub, etirazçılara qarşı irqçi ifadələrə yer verib. Bu paylaşımlar “Los Anceles Qalaksi”nin azarkeşlərinin qəzəbinə səbəb olub.

Qeyd edək ki, mayın 25-də Minneapolisdə Corc Floyd adlı afroamerikalının polis tərəfindən saxlanılma videosunun internetə sızmasından sonra ABŞ-da  kütləvi etirazlar və iğtişaşlar baş qaldırıb. Belə ki, ağdərili polislər afroamerikalının əllərini qandallayıb və onu yola yıxıb. Onlardan biri C.Floydun “nəfəs ala bilmirəm” deməsinə baxmayaraq, onu boğmağa başlayıb. Bir qədər sonra afroamerikalı şəhər xəstəxanalarının birində vəfat edib.


Daha tez məlumatlanmaq üçün yeni Facebook səhifəmizi