Məşhur müğənni ilə gəlini arasında ev davası - “Çıxsın, uşağı isə…”

Məşhur müğənni ilə gəlini arasında ev davası
Oxunma sayı: 1761

“Maşın” realiti şousundan sonra gündəmə gələn musiqiçi Cavad Rəcəbov və eks-gəlini Günel Axundova arasında qalmaqal yaşanıb. 

Bu gün Axundova primetime.az-a keçmiş qayınatasının onu evindən çıxarmaq istdədiyini, Rəcəbovun təkidi ilə ailəsinin dağıldığını iddia edib:

“12 ildir yaşadığım ev eks-qayınatamın adına olduğu üçün məhkəmə yolu ilə biz buradan çıxarılırıq. Evimiz Zığ yolunda, köhnə doqquz mərtəbədə təmirsiz mənzildir. Oğlum məktəbini bitirənə qədər atasından və babasından vaxt istəyib. O isə “Mənə dəxli yoxdur” deyə cavab verib. Hər şeyi o qədər gözəl qurublar ki, keçmiş həyat yoldaşımın adına heç nə yoxdur. Hətta avtomobili belə öz adına deyil. İcra məmuru məktəbi bitirməsinə qədər vaxt vermədiklərini bildirdi. 6 iyun tarixində evdən çıxmalıyıq. Getməyə isə yerimiz yoxdur. Bu qədər haqsızlığa dözmək çox çətindir”. 

“Qafqazinfo” mövzu ilə bağlı Cavad Rəcəbovla əlaqə saxlayıb.

“Boş söhbətlərdir, mənə aidiyyatı yoxdur. Qanun-qayda var. Zəhmət olmasa vəkilimlə əlaqə saxlayın”- deyə musiqiçi bildirib.

Sənətçinin vəkili Elçin Ağayev qalmaqalın hüquqi tərəfini izah etməyə çalışıb:

“Cavad Rəcəbov sabiq gəlininə qarşı məhkəmədə iddia qaldırıb. Mənzildən çıxarma tələbinə dair. Həmin xanımın mənzildən istifadə hüququ olmayıb. Rəcəbovun oğlu belə həmin mənzildə qeydiyyatda olmayıb. Cavad müəllim həmin evi oğlu ilə gəlini nikaha girməmişdən uzun müddət əvvəl alıb. Günel Axundova Lənkərana gəlin köçüb. Bir müddət burada qalıblar. Daha sonra oğlu Cavid Rəcəbovun Bakıdakı işi ilə bağlı tez-tez paytaxta gedirdilər. Bir müddət sonra ailədə problem yaranıb və Cavid Lənkəran Rayon Məhkəməsinə müraciət edib, cütlük boşanıb. Oğlu iddia edir ki, günahkar gəlin olub və aralarındakı ər-arvad münasibətləri pozulub. Cavid Rəcəbov məhkəməyə müraciət edib və könüllü şəkildə aliment ödəmək istədiyini bildirib. Xitam verilib, aliment qəpiyinə qədər ödənilir. Bu mövzu ilə bağlı münaqişə və mübahisə yoxdur. Cavad Rəcəbovun nəvəsi ilə münasibəti çox gözəldir. Tez-tez görüşürlər və uşağın bütün problemləri qarşılanır. Hətta, uşağa sürücü belə tutulub”.

Fotoda: Cavid Rəcəbov

Vəkil sənətçinin nəvəsinin də evindən çıxarması ilə bağlı yayılan məlumatlara belə aydınlıq gətirib: “Cavad müəllim oğlunun evin zirzəmisində, studiyada qaldığını görüb, eyni zamanda oğlanla xanımın arasında yaşanan münaqişəni nəzərə alaraq, həmçinin mülkün ona aid olduğu üçün məhkəməyə iddia qaldırıb. Bunun uşağa aidiyyatı yoxdur. İddia ərizəsində uşağın evdən çıxarılması ilə bağlı hər hansı bir fikir yer almayıb. Əgər xanım övladının yanında qalmağı üçün məhkəməyə müraciət edibsə, deməli, onun müəyyən xərclərini ödəməyi barədə ehtiyacları öz boynuna götürüb. Cavad müəllimin dediyinə görə, xanım istəmirsə, evdən çıxsın, övladı Cavid Rəcəbova verilsin. Mənzil uşağa qurbandır. Məhkəmə qətnaməsinə görə, xanım kirayə köçəcəyi təqdirdə uşağa münasibətdə xərcləri ata-baba öz üzərinə götürüb. Bununla bağlı Günel xanıma məlumat verilib. Məntiqi nəticə olaraq həmin xanım uşaqdan istifadə edərək mənzil əldə etmək istəyir.

Bundan sonra Günel Axundova apellyasiya şikayəti verib. Hakim qərarı qüvvədə saxlayıb. Kassasiya qaydasında xanım bir müddət evdə qalıb. Xanım Cavad müəllimə müxtəlif insanlarla xahiş etdirib ki, ona vaxt verilsin. Cavad müəllim rəsmi ərizələrlə Xətayi Rayon İcra Şöbəsinə müraciət edib. Bildirib ki, qış mövsümüdür, uşaq məktəbə gedir, hava soyuqdur. Aprelin 1-nə kimi vaxt istədi. Daha sonra iyunun 1-nə kimi yenidən vaxt istəmək barədə müraciət edib. Rəcəbov da yenidən icazə verib. Artıq iki dəfə icra şöbəsinə ərizə ilə müraciət olunduqdan sonra məsələ məhkəməyə gedib çıxıb”. 


Daha tez məlumatlanmaq üçün yeni Facebook səhifəmizi