Sabah Ramin Məmmədovla bağlı iclas keçiriləcək
Ramin Məmmədovun deputat mandatından məhrum edilməsi məsələsinə baxılacaq.
“Qafqazinfo” xəbər verir ki, məsələ Mərkəzi Seçki Komissiyasının (MSK) mayın 2-də keçiriləcək iclasında müzakirə ediləcək.
Belə ki, Konstitusiyanın 89-cu maddəsinin 4-cü hissəsinə əsasən, Milli Məclisin deputatı dövlət orqanlarında vəzifə tutduqda, din xadimi olduqda, sahibkarlıq, kommersiya və başqa ödənişli fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla) mandatından məhrum edilir.
Qeyd edək ki, Prezident İlham Əliyevin aprelin 8-də imzaladığı Sərəncamla R.Məmmədov Dini Qurumlarla İş üzrə Dövlət Komitəsinin sədri təyin olunub.
O, 2020-ci ildə 64 saylı Sabirabad İkinci Seçki Dairəsindən Milli Məclisə deputat seçilib.
Son Xəbərlər
- 1
- 2
- 3
- 4
- 5
- 6
