Ronaldodan Arda Gülərə - “Görürəm ki, ruhun eynidir”

ronaldodan-arda-gulere
Oxunma sayı: 13118

Portuqaliya millisinin üzvü Kriştiano Ronaldo ilə “Real”ın türkiyəli oyunçusu Arda Gülərin görüşdüyü iddia edilib.

“Qafqazinfo” “Defensa Central” istinadən xəbər verir ki, ulduz futbolçu Türkiyəyə qarşı keçirdikləri matçdan sonra A.Gülərlə soyunma otağının dəhlizində qarşılaşıb.

39 yaşlı dünya ulduzu Arda Gülərə bu sözləri deyib: “Real” da hər zaman hər şeyi qazanmaq üçün meydana çıxırsan, görürəm ki, ruhun eynidir”.

Kriştiano ilə söhbət etməyin Ardaya böyük xoşbəxtlik verdiyi də iddia edilir.

Qeyd edək ki, oyundan sonra Ronaldonun Ardaya əhəmiyyət verməməsi görüntüləri yayılaraq, müzakirəyə çevrilmişdi. 

Xatırladaq ki, matç Portuqaliyanın Türkiyə üzərində 3:0 hesablı qələbəsi ilə bitmişdi.