Saxlatdırmaq istədikləri taksi yox, təyyarədir - Video
Almaniyada təyyarəyə gecikən iki rumıniyalı sərnişin təcili çıxışdan içəri daxil olduqdan sonra əl yelləyərək təyyarəni dayandırmağa cəhd ediblər.
“Qafqazinfo” xarici KİV-ə istinadən xəbər verir ki, hadisə Köln şəhərindən Rumıniyanın paytaxtı Buxarestə uçan təyyarənin havaya qalxmağa hazırlaşması zamanı baş verib.
Belə ki, yola düşmək üzrə olan təyyarə qapılar bağlandıqdan sonra uçuş-enmə zolağına çıxıb. Bu zaman reysi qaçıran iki rumıniyalı sərnişin hava limanında təcili çıxış qapısını qıraraq uçuş-enmə zolağına daxil olublar.
28 və 47 yaşlı iki nəfərin əl yelləyərək təyyarəni dayandırmağa cəhd etməsi və qəfil uçuş-enmə zolağında görünməsi təyyarənin qalxmasını gecikdirib. Onların “Bizi aparın!”, - deyə qışqıraraq özlərini pilota eşitdirməyə çalışdıqları bildirilir.
Polis hər iki şəxs barəsində Hava Təhlükəsizliyi Qanununu pozduqları üçün qanuni iş başlanıldığını və hadisənin araşdırıldığını açıqlayıb.
Son Xəbərlər
- 1
- 2
- 3
- 4
- 5
- 6
