İsveçrənin Lozanna şəhərində Suriya üzrə danışıqlar artıq başlayıb.
“Qafqazinfo”nun “Posta”ya istinadən verdiyi məlumata görə, Bakı vaxtilə saat 18:30-da başlayan toplantıdan öncə Rusiya Xarici işlər naziri Sergey Lavrovla ABŞ dövlət katibi Con Kerri arasında görüş olub.
Lozannada “Beau-Rivage Palace” hotelində keçirilən toplantıya ABŞ, Rusiya, Səudiyyə Ərəbistanı, İraq, İran və Qətər qatılıb.
İraq XİN rəhbəri İbrahim Cəfəri və iranlı həmkarı Cavad Zərif də danışıqlarda iştirak edir.
***
Görüşün yekunlarına dair birgə bəyanat verilməyəcək.
***
Lozannada Suriya ilə bağlı 4 saatdan çox davam edən danışıqlar yekunlaşıb. Bu barədə “Tass.ru” diplomatik mənbəyə istinadən məlumat yayıb.