Çinin Uhan şəhərində 39 yaşlı bir kişi bıçaqla ətrafdan keçən insanlara hücum edib.
“Qafqazinfo” “Sina”ya istinadən xəbər verir ki, Qao soyadlı şəhər sakini hücum zamanı 7 nəfəri bıçaqlayaraq öldürüb.
Məlumata əsasən, o, ilk olaraq 5 nəfəri bıçaqlayaraq qətlə yetirib. Bir nəfər yaralansa da, qaçaraq xilas ola bilib.
Cinayətkar daha sonra hadisə yerindən qaçıb və yoldan keçən daha iki nəfəri öldürüb.
Hüquq-mühafizə orqanlarının məlumatına görə, həmin şəxs özünü körpüdən Yanszı çayına atıb. Hazırda onun axtarışları davam edir.