Aysun özünü öldürəcəyini əvvəlcədən deyibmiş...

aysun-ozunu-oldureceyini-evvelceden-deyibmis
Oxunma sayı: 11688

Xəbər verdiyimiz kimi, Qəbələnin Nohurqışlaq kəndində 1999-cu il təvəllüdlü Aysun Ədilova yaşadığı ünvanda ov tüfəngindən ürək nahiyəsinə atəş açaraq intihar edib.

“Qafqazinfo” 23 yaşlı gəncin intiharı ilə bağlı bəzi məlumatları əldə edib.

Əldə etdiyimiz məlumata görə, Aysun intihar etməmişdən bir müddət öncə özünə qapanıb. Buna sevdiyi oğlanla arasında yaranan soyuq münasibətin səbəb olduğu bildirilir.

Buna görə də Aysun, yaxın ətrafına dəfələrlə yaşamaq istəmədiyini, bezdiyini, özünü öldürəcəyinə dair mesaj ötürüb.

Hadisənin baş verdiyi gün Aysun Ədilova ev işləri görüb. Daha sonra otaqdan atəş səsi eşidilib. Aysunun özünü öldürdüyünü ilk balaca qardaşı görüb, ardınca anasına məlumat verib. İntihar edən gəncin böyük qardaşı isə hazırda hərbi xidmətdədir.

Qeyd edək ki, Aysun Ədilova orta təhsilli olub. O, bir müddət əvvəl Bakıda tibb kursunda təhsil alıb. Eyni zamanda Bakıda marketlərin birində satıcı işləyib.

Emin Səfərov

Həmçinin oxuyun: “Adore Kompani” məhkəməyə verildi