“Azarkeşlər bu mahnını himn kimi əzbərləyib” - Aygün Kazımova
Milli.Az xəbər verir ki, bu gün bir neçə saytda Azərbaycanın xalq artisiti Aygün Kazımovanın FİFA U-17 Qadınlararası Dünya Çempionatı Azərbaycan 2012-də qızlardan ibarət milli yığmamıza dəstək üçün ifa etdiyi "Qol" mahnısına çəkilmiş klipinin Azərbaycan Futbol Federasiyaları Asossiasiyaları (AFFA) tərəfindən bəyənilməməsi barədə dezinformasiya yayılıb.
Bu barədə açıqlama verən Aygün xanım möhtəşəm layihəsinə kölgə salmaq istəyənləri qınadı. Hətta onlara sərt cavab verməyə gecikmədi: "Bu təxribatın kimlər tərəfindən və nə üçün ortaya atıldığını bilmirəm. Amma AFFA layihəmiz başlayan gündən bizə dəstək olub.
Futbolçu qızlarımızın iştirakı ilə çəkilən klipin komandamıza stimul mənbəyi olması çoxlarına yaxşı məlumdur. Azərkeşlər də bu "Qol" mahnısını himn kimi əzbərləyiblər. Ar olsun təxribat yaradanlara. Ayıb olsun yalançı informasiyaları yayan və yazanlara. Başqa nə deyə bilərəm?
Ölkəmiz mötəbər futbol bayramına ev sahibliyi edir, bəzi gözügötürməyənlər fitnə-fəsad yaratmaqla məşğuldurlar. Onsuz da pərəstişkarlarım bu kimi yalanlara inanmırlar. Yenə də ayıb olsun deyirəm".
Son Xəbərlər
- 1
- 2
- 3
- 4
- 5
- 6
