Bakıda daha bir binada güclü yanğın - Yenilənib+Video
Bakı şəhəri, Yasamal rayonu, İsmayıl bəy Qutqaşınlı küçəsi 29 ünvanında çoxmərtəbəli yaşayış binasının 10-cu mərtəbəsində mənzildə yanğın olub.
"Qafqazinfo" xəbər verir ki, bu barədə Fövqəladə Hallar Nazirliyi məlumat yayıb.
Bildirilir ki, FHN-nin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri yanğın baş verdiyi ünvana cəlb olunub.
Hazırda yanğınsöndürmə işləri davam etdirilir.
***
Yanğın söndürülüb.
***
APA-nın məlumatına görə, yanğın zamanı 4 nəfər xəsarət alıb, onlardan ikisi azyaşlıdır.
FHN-in Dövlət Yanğından Mühafizə Xidmətinin əməkdaşları yanğının baş verdiyi 18 mərtəbəli binanın yuxarı mərtəbələrindən 22 nəfəri təxliyə edib. Ərazidə xilasetmə işləri başa çatıb.
Yanğın əsasən binanın 10-cu mərtəbəsində yerləşən birotaqlı, 77 kv/m sahəli mənzili əhatə edib. Bundan başqa, 11-ci mərtəbədə yerləşən digər mənzilin eyvanı və pəncərələri qarsalanıb.
Son Xəbərlər
- 1
- 2
- 3
- 4
- 5
- 6
