Gürcüstanın Batumi şəhərində çökmüş yaşayış binasının dağıntıları arasından bir nəfərin meyiti tapılıb.
“Qafqazinfo” gürcü mediasına istinadən xəbər verir ki, hadisə yerində olan daxili işlər naziri Vaxtanq Qomelaurinin sözlərinə görə, daha 2 nəfər isə xilas edilərək xəstəxanaya yerləşdirilib. Onların vəziyyəti ağırdır.
Qomelauri bildirib ki, dağıntılar altında 10 nəfərdən çox adamın qaldığı ehtimal edilir. Onlardan 3-nün azyaşlı olduğu deyilir.
“İmedi” telekanalı dağıntılar arasından daha bir kişinin xilas edildiyini bildirib.
Hazırda axtarış-xilasetmə işləri davam etdirilir.
Həmçinin oxuyun: Gürcüstanda yaşayış binası uçdu, yaralılar var - Video