Çilinin sabiq Prezidenti Sebastyan Pinyera helikopter qəzasında həlak olub.
“Qafqazinfo” xəbər verir ki, bu barədə “Radio Biobiochile” mənbələrə istinadən məlumat yayıb.
Bildirilib ki, çərşənbə axşamı, fevralın 6-da helikopter Ranko gölünə düşüb. Nəqliyyat vasitəsinin göyərtəsində siyasətçidən başqa onun ailəsinin üç üzvü olub.
Qeyd olunur ki, həmin şəxslər qəzaya uğramış helikopterdən çıxa bilsələr də, 74 yaşlı eks-prezident buna nail ola bilməyib. Onun cəsədi təxminən 40 metr dərinlikdə tapılıb. Qəzanın səbəbləri araşdırılır.