Dünən açılmalı idi, hələ də bağlıdır... - Yenilənib

dunen-acilmali-idi-hele-de-baglidir
Oxunma sayı: 4350

Mayın 23-də səhər saatlarından bağlanan 8 Noyabr prospektinin Yusif Səfərov küçəsi ilə kəsişməsindən Xəqani Rüstəmov küçəsinədək olan hissəsi hələ də açılmayıb.

“Qafqazinfo” xəbər verir ki, Azərbaycan Avtomobil Yolları Dövlət Agenltiyi (AAYDA) yolun mayın 29-da saat 22:00-da açılacağı barədə məlumat yaysa da, hərəkət bərpa edilməyib. Bu da sürücülər arasında çaşqınlığa səbəb olub.

Mövzu ilə bağlı AAYDA-ya müraciət etsək də, sorğumuz cavablandırılmadı.

Qeyd edək ki, artıq bir neçə aydır ki, 8 Noyabr prospekti hissə-hissə olmaqla təmir edilir.

***

Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli "Qafqazinfo"ya açıqlamasında bildirib ki, qeyd edilən yolda son - tamamlama işləri görülür. Yolun 30 may tarixindən etibarən sürücülərin istifadəsinə verilməsi planlaşdırılır: "Artıq əsas işlər yekunlaşıb. Bu gün xətlənmə işləri aparılacaq. Maksimum sabah səhər tezdən yol sürücülərin ixtiyarında olacaq".