Gezeravcının Yerə qayıdışı yenidən ertələndi
Türkiyənin ilk astronavtı Alper Gezeravcının da olduğu “Axiom-3” komandasının Yerə qayıdışı bir gün daha təxirə salınıb.
“Qafqazinfo” “TRT Haber”ə istinadən xəbər verir ki, səbəb kimi Floridadakı əlverişsiz hava şəraitinin göstərildiyi açıqlamada “Dragon” kapsulunun ən tez fevralın 6-da stansiyanı tərk edəcəyi bildirilib.
Astronavt Gezeravcı və qrupun səfərinin təxminən 13 saat davam etməsi gözlənilir.
Qeyd edək ki, ötən gün komandanın fevralın 5-dən daha tez Beynəlxalq Kosmik Stansiyanı tərk edə bilməyəcəyi açıqlanmışdı.
Xatırladaq ki, “Axiom-3” komandasının bu gün Türkiyə vaxtı ilə saat 14:00-da Beynəlxalq Kosmik Stansiyanı tərk etməsi gözlənilirdi. Komanda yanvarın 19-u kosmosa yola düşmüşdü.
Son Xəbərlər
- 1
- 2
- 3
- 4
- 5
- 6
