Macarıstan parlamenti ölkənin yeni Prezidentini seçdi - Yenilənib
Macarıstan parlamenti yaz sessiyasının ilk iclasında ölkə prezidenti Katalin Novakın istefasını yekdilliklə qəbul edib.
“Qafqazinfo” xəbər verir ki, bu haqda ölkə parlamentin saytında məlumat verilib.
Bildirilib ki, iclasda iştirak edənlərin hamısı - 196 deputat istefanın təsdiqinə səs verib.
Novak bu ilin fevralında prezidentlikdən istefa verdiyini açıqlamışdı. Onun sözlərinə görə, 2023-cü ilin aprelində pedofiliya ilə məşğul olan şəxsi əfv edərkən bağışlanmaz səhv edib.
Onun yerinə parlamentdə üçdə iki səs çoxluğuna malik olan hakim partiyalar Konstitusiya Məhkəməsinin 67 yaşlı sədri Tamaş Şuyokun namizədliyini irəli sürüb. Bazar ertəsi gün ərzində onun namizədliyi ilə bağlı səsvermə keçiriləcək.
Qeyd edək ki, Macarıstan prezidenti parlament tərəfindən beş il müddətinə seçilir.
***
Macarıstan parlamenti daha öncə Konstitusiya Məhkəməsinə rəhbərlik etmiş Tamaşa Şuyoku ölkənin yeni prezidenti seçib.
Belə ki, Şuyokun namizədliyini parlamentdəki 199 yerdən 135-ni tutan hakim partiyalar - Macarıstan Vətəndaş Birliyi və Xristian Demokratlar Koalisiyası irəli sürüb.
Səsvermə zamanı bütün hökumətyönlü deputatlar Şuyoku dəstəkləyiblər və bu, onun birinci turda qələbəsini təmin edib.
Son Xəbərlər
- 1
- 2
- 3
- 4
- 5
- 6
