Əsginazların koronavirus daşıyıcısı olması ilə bağlı - ÜST-dən açıqlama
Ümumdünya Səhiyyə Təşkilatı (ÜST) koronavirusun əsginazlar vasitəsilə yayılması barədə məlumatları təkzib edib. “Qafqazinfo” “TASS”a istinadən bildirir ki, bu barədə qurumun rəsmi nümayəndəsi Tarik Yazareviç danışıb.
“ÜST COVID-19-un banknotlar vasitəsilə ötürülməsini deməyib. Biz bununla bağlı heç bir xəbərdarlıqla çıxış etməmişik. Biz inadla əlləri müntəzəm yumağı tövsiyə edirik”, - açıqlamada deyilir.
Qeyd edək ki, Ümumdünya Səhiyyə Təşkilatı martın 11-də koronavirusu pandemiya elan edib. İndiyədək dünyanın 150-dən çox ölkəsində 173 mindən çox insan bu virusa yoluxub, çoxu sağalıb, 7 mindən çoxu isə dünyasını dəyişib.
Son Xəbərlər
- 1
- 2
- 3
- 4
- 5
- 6
