Pentaqon rəhbəri reanimasiyaya yerləşdirilib

pentaqon-rehberi-reanimasiyaya-yerlesdirilib
Oxunma sayı: 1355

ABŞ-nin müdafiə naziri Lloyd Ostin Uolter Ridd tibb mərkəzinin reanimasiya şöbəsinə yerləşdirilib.

“Qafqazinfo” xəbər verir ki, bu barədə məlumat Pentaqonun saytında yerləşdirilib.

Məlumata görə, buna səbəb Ostinin sidik kisəsində yaranan problem olub. Onun xəstəxanadan nə vaxt buraxılacağı məlum deyil. 

Bildirilir ki, Ostin müvəqqəti olaraq öz səlahiyyətlərini müavini Ketlin Hiksə həvalə edib. 

Xatırladaq ki, ötən ilin dekabrın sonu Ostində prostat xərçəngi aşkar edilib və o əməliyyat olunub. O, bir müddət Vaşinqton yaxınlığında Uolter Ridd Milli Tibbi Mərkəzində müalicə alıb. Pentaqon rəhbəri bir aylıq fasilədən sonra yanvarın 29-u yenidən işgüzar görüşlərinə başlayıb. Həmin gün o, NATO-nun Baş katibi Yens Stoltenberqlə görüşüb və ona hələ ki tam sağalmadığını bildirib.