“Qazanan Cahangir Əsgərov və ətrafıdır”

“Qazanan Cahangir Əsgərov və ətrafıdır”
Oxunma sayı: 12039

Son günlərdə sosial şəbəkələrdə tənqid olunan məsələlərdən biri də "Azərbaycan Hava Yolları" QSC-nin biletləri baha qiymətə satmasıdır.

"Qafqazinfo" xəbər verir ki, bununla bağlı hüquq müdafiəçisi Aslan İsmayılov da öz səhifəsində paylaşım edib.

"Pandemiyadan sonra hava xətlərinin açılmasından istifadə edən AZAL-ın yenə vətəndaşları talan edəcəyinə şübhə etmirəm. Artıq Tbilisidən İstanbula biletin dəyəri 110 manat olduğu halda, Bakıdan İstanbula 800 manat, Bakı-Moskva biletinin qiyməti isə 1000 manatdan da artıqdır. Bu, əsl talançılıqdır.

Ən dəhşətlisi də odur ki, Gürcüstan hava xətləri özəldir və büdcədən heç bir dəstək almır. AZAL isə dövlət mülkiyyəti hesab olunur və qiymət bahalığından savayı, həm də dövlət büdcəsindən yüz milyonlarla ödəmələr hesabına xalqı talan edir. Qazanan isə Cahangir Əsgərov və ətrafıdır", - deyə o vurğulayıb. 

Qeyd edək ki, Prezident İlham Əliyevin 12 fevral 2021-ci il tarixli sərəncamı ilə “Azərbaycan Hava Yolları” QSC də Azərbaycan İnvestisiya Holdinqinin (AİH) idarəetməsinə verilib. AİH-in yaradılmasında məqsəd dövlətə məxsus müəssisələrin idarə olunması sisteminin təkmilləşdirilməsi, fəaliyyətinin səmərəliliyinin və şəffaflığının artırılması, xərclərini və risklərini optimallaşdırmaq yolu ilə onların tam sağlamlaşdırılması istiqamətində struktur islahatlarının dərinləşdirilməsidir.