Şamaxıda vulkan püskürdü - 33 il sonra + Fotolar + Video
Şamaxıda vulkan püskürüb.
"Qafqazinfo" xəbər verir ki,təbiət hadisəsi gecə saatlarında rayonun Dağ Göylər kəndində baş verib. Kənd sakinlərinin sözlərinə görə, bu ərazidə sonuncu dəfə vulkan püskürməsi 1986-cı ildə baş verib.
Yerin altından çıxan torpaq qatı təqribən iki hektar əraziyə yayılıb.
Hadisə yerinə geoloqlar gəlib.
***
Milli Elmlər Akademiyasının Geologiya və Geofizika İnstitutunun “Palçıq vulkanizmi” şöbəsinin aparıcı elmi işçisi Orxan Abbasov “Qafqazinfo”ya açıqlamasında digər palçıq vulkanlarının aktivləşməsi halının müşahidə olunmadığını bildirib:
“Püskürən vulkan Şamaxı rayonu ərazisində Məlikçobanlı palçıq vulkanıdır. Bu, dördüncü püskürmədir. Sonuncu püskürməsi 1977-ci ildə baş verib. Təqribən yarım hektardan artıq ərazini əhatə edir. Püskürmə nəticəsində vulkanın cənub hissəsində uzun çatlar əmələ gəlib. Çatların uzunluğu təqribən 100-150 metrdir. Çatlar cənuba doğru uzanmağa meyillidir. Digər palçıq vulkanlarının aktivləşməsi qeydə alınmayıb”.
Rəşad Türkoğlu
Son Xəbərlər
- 1
- 2
- 3
- 4
- 5
- 6
